70
বিগত ৫ বছৰত প্ৰধানমন্ত্ৰী নৰেন্দ্ৰ মোদীয়ে বিদেশ ভ্ৰমণৰ নামত খৰছ কৰিছে ৫১৭ কোটি টকা। এয়া কোনো বিৰোধীৰ অভিযোগ নহয়। চৰকাৰী প্ৰতিবেদনতে প্ৰকাশ পাইছে এই তথ্য। ২০১৫ চনৰ পৰা এই পৰ্যন্ত প্ৰধানমন্ত্ৰী মোদীয়ে ভ্ৰমণ কৰিছে মুঠ ৫৮ খন দেশ। এই দেশসমূহ ভ্ৰমণ কৰোতেই খৰছ হৈছে এই বিশাল ধনৰাশি।
মঙলবাৰে ৰাজ্যসভাত বিদেশ ভ্ৰমণৰ খৰছৰ বিতং তথ্য লিখিতভাৱে অৱগত কৰে বিদেশ মন্ত্ৰণালয়ৰ ৰাজ্যিক মন্ত্ৰী ভি মুৰলীধৰণে। মন্ত্ৰীগৰাকীয়ে দাখিল কৰা তথ্য অনুযায়ী প্ৰধানমন্ত্ৰী মোদীয়ে যোৱা ৫ টা বছৰত বিদেশ ভ্ৰমণৰ নামত খৰছ কৰা মুঠ ধনৰ পৰিমাণ হৈছে ৫১৭.৮২ কোটি টকা।
