63
মুছলপুৰঃ ‘বুদ্ধং শৰণং গশ্যামী-ধৰ্মং শৰণং গশ্যামী-সঘং শৰণং গশ্যামী’ ধ্বনিৰে মুখৰিত হ’ল ভাৰত-ভূটান সীমান্ত। পৱিত্র বুদ্ধ পূৰ্ণিমা উপলক্ষে ভাৰত আৰ ভূটান দুই দেশৰ জনতাৰ মিলনথলী হ’ল বাক্সা জিলাৰ প্ৰাচীন বৌদ্ধ মঠ মুছলপুৰৰ চাংদো পালৰী বুদ্ধিষ্ট মনাষ্টেৰী।
আজি পুৱা প্ৰাচীন বৌদ্ধ মঠত অসমৰ বিভিন্ন প্ৰান্তৰ লগতে ভূটানৰ পৰা অহা পুৰুষ-মহিলা ধৰ্মপ্ৰান লোকে মুখৰ কৰি তুলিলে মুছলপুৰ। উল্লেখ্য যে নামনি অসমৰ মুছলপুৰত ভূটান ৰাজৰ পৃষ্ঠপোষকতাত স্থাপিত হৈছিল এই মঠ। পৰৱৰ্তী সময়ত দুই দেশৰ সমন্বয়ত ইয়াত প্ৰতিবছৰে বুদ্ধ জয়ন্তী পালিত হৈ আহিছে।
