নগাঁৱত ৰঙালীৰ ৰঙত মতলীয়া সৰ্বস্তৰৰ জনতা, বটদ্ৰৱাত সত্ৰীয়া পৰম্পৰাৰে বিহু পালন

জয়ন্ত মুদৈ, নগাঁওঃ সমগ্ৰ ৰাজ্যৰ দৰে নগাঁৱতো হেঁপাহৰ ৰঙালী বিহুক কেন্দ্ৰ কৰি উৎসৱমুখৰ পৰিৱেশৰ সৃষ্টি হৈছে৷ সকলোৱে সৰু-বৰ ভেদাভেদ পাহৰি বিহুৰ সীমাহীন আনন্দ-উছাহত মতলীয়া হৈ পৰিছে৷

পূৰ্ব পৰম্পৰা অনুসৰি দেওবাৰে নগঞা ৰাইজে পালন কৰে গৰু বিহু৷ এই মৰ্মে, পুৱাৰেপৰা জিলাখনৰ সৰ্ব প্ৰান্ততে গৰু বিহুৰ আনুষংগিক ৰীতি-নীতিৰ মাজেৰে গৰুক নোৱাই-ধুৱাই গাত লাও, বেঙেনা, কেৰেলা, থেকেৰাৰ ছাট মাৰি গো-ধনৰ শ্ৰীবৃদ্ধিৰ কামনাৰে ঈশ্বৰৰ ওচৰত প্ৰাৰ্থনা জনায়৷