নগাঁৱত প্ৰগতি সমাজৰ মনোৰম সত্ৰীয়া সন্ধিয়া

জয়ন্ত মুদৈ, নগাঁওঃ এক মনোৰম সত্ৰীয়া শৈলীৰ অনুষ্ঠানেৰে ২৫ জুলাইৰ সন্ধিয়া মুখৰিত হৈ পৰিল নগাঁও জিলাৰ খুটিকটীয়া অঞ্চল। ১৯৭৪ চনতে প্ৰতিষ্ঠা লাভ কৰা নগাঁৱৰ অন্যতম শংকৰী কলা-কৃষ্টিৰ সাংস্কৃতিক অনুষ্ঠান ‘প্ৰগতি সমাজ’ৰ উদ্যোগত অনুষ্ঠিত হোৱা এক অনন্য সত্ৰীয়া শৈলীৰ অনুষ্ঠানে জিলিকাই তুলিলে কলংপৰীয়া অঞ্চলটোক। 

দ্বীপজ্যোতি নাথ আৰু কবিতা দাসৰ বৰগীতেৰে শুভাৰম্ভ হোৱা এই বৰ্ণিল অনুষ্ঠানটিত কৃষ্ণ নৃত্য, চালি নৃত্য, দশাৱতাৰ নৃত্য, লৱণু চুৰিৰ অভিনয়, গায়ন-বায়ন আদি পৰিৱেশন কৰে একাংশ শিশু আৰু চেমনীয়াই।