68
নাৰায়নপুৰঃ ৰাইজৰ ক্ষোভৰ বলি হোৱাৰপৰা কথমপি ৰক্ষা পৰিল সাংসদ ৰাম প্ৰসাদ শৰ্মা। বিধ্বংসী ধুমুহাই যোৱা ২৭ এপ্ৰিলত নাৰায়ণপুৰ অঞ্চলৰ ২০ খনতকৈ অধিক গাঁৱৰ বিস্তৰ ক্ষতি সাধন কৰিছিল । তীব্ৰ বেগী ধুমুহাই নিমিষতে উৰুৱাই নিছিল গছ-গছনিৰ লগতে সহস্ৰাধিক লোকৰ ঘৰ-দুৱাৰ । ফলত শতাধিক লোক গৃহহীন হৈ পৰিছিল।
দুই এদিন মুকলি আকাশৰ তলত থকাৰ পিছত থকাৰ সুবিধাৰ বাবে বাসস্থান হিচাপে টিন, খেৰৰ চালি আদি নিৰ্মাণ কৰোতে দিন হাজিৰা কৰিলখোৱাসকলে নিজৰ কামৰপৰা বিৰত থাকিব লগা হোৱাত হাহাকাৰ কৰা পৰিস্থিতিৰ সৃষ্টি হয়। এই ক্ষেত্ৰত পৰিবৰ্তনকামী চৰকাৰখনে আজি এসপ্তাহে কোনো পদক্ষেপ হাতত নোলোৱাত ক্ষোভিত হৈ পৰিছে ক্ষতিগ্ৰস্ত সকল।
