ৰাইজ ডুবিছে, কেতিয়া সাথ দিব চৰকাৰে!

ঢেকীয়াজুলিঃ ঢেকীয়াজুলি বিধান সভা সমষ্টিৰ বিধায়ক অশোক সিংহলৰ নিজ সমষ্টিৰ তিনিখনকৈ গাঁও এতিয়া বিলশিৰি নদীৰ ভয়ংকৰ খহনীয়াৰ কৱলত পৰিছে যদিও খবব ল’বলৈ কোনো নাই বুলি অভিযোগ উত্থাপিত হৈছে৷  

বাৰিষা আৰম্ভ হোৱাৰ লগে লগেই ঠেলামৰা ৰাজহ চক্ৰৰ অন্তৰ্গত বালিগাঁও, পঠালীখোৱা আৰু বালিগাঁও বঙালী এই তিনিখন গাঁৱৰ শ শ পৰিয়ালৰ শ শ বিঘা কৃষিভূমি আৰু ঘৰ-দুৱাৰলৈ প্ৰচণ্ড ভাবুকি সৃষ্টি কৰি বিলশিৰি নৈয়ে কালৰূপ ধাৰণ কৰিছে৷