লাফিকুলৰ বাসগৃহত প্ৰাক্তন মুখ্যমন্ত্ৰী মহন্ত, দোষীক কৰায়ত্বৰ দাবী

কোকৰাঝাৰঃ কোকৰাঝাৰ চহৰৰ তিতাগুৰিত যোৱা এক আগষ্টত দিন-দুপৰতে ছাত্ৰ নেতা লাফিকুল ইছলাম আহমেদৰ বৰ্বৰোচিত হত্যাকাণ্ডক লৈ সমগ্ৰ ৰাজ্য তোলপাৰ লগাৰ সময়তে আজি ৰাজ্য চৰকাৰৰ অংশীদাৰ দল অসম গণ পৰিষদৰ এটি সজাতি দলে কোকৰাঝাৰত উপস্থিত হৈ পৰিস্থিতিৰ বুজ লয় ৷

অগপ দলৰ বিধায়ক তথা প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ নেতৃত্বত অহা ১৫ জনীয়া অগপৰ সঁজাতি দলটিয়ে প্ৰথমে কোকৰাঝাৰ চহৰত পদাৰ্পণ কৰি তিতাগুৰিৰ ঘটনাস্থলী পৰিদৰ্শন কৰাৰ লগতে ছালাকাটিস্থিত লাফিকুলৰ শোকস্তব্ধ পৰিয়ালবৰ্গকো সাক্ষাৎ কৰে ৷