54
গোৰেশ্বৰঃ যিসময়ত ৰাজ্যত চিলাপথাৰ কাণ্ডক লৈ আইন-শৃংখলাজনিত পৰিস্থিতিৰ উদ্ভৱ হোৱাৰ উপক্ৰম হৈছে সেই সময়ত ৰাজ্যৰ গৃহ বিভাগৰ আৰক্ষী প্ৰশাসনত হেমাহি পৰিলক্ষিত হৈছে। কামৰূপ গ্ৰাম্য জিলা বাইহাটা চাৰিআলি থানা অন্তৰ্গত গাছবাৰীস্থিত গাছবাৰী আৰক্ষী শিবিৰৰ দুৰৱস্থাই তাকে প্ৰমাণ কৰিছে। যোৱা চাৰি বছৰ পূর্বে অঞ্চলটোৰ নিৰাপত্তাৰ খাতিৰত স্থাপন কৰা শিবিৰটোৰ বৰ্তমানৰ অৱস্থা দেখি ৰাইজে ভাবিবলৈ বাধ্য হৈছে যে ৰাইজৰ নিৰপত্তাৰ স্বাৰ্থত স্থাপন কৰা শিবিৰটোৰ জোৱানসকল এতিয়া নিজে নিৰাপত্তাহীনতাত ভুগিছে।
গাছবাৰী ৰাজহুৱা প্ৰেক্ষাগৃহত থকা এই শিবিৰটো বৰ্তমান মাত্ৰ চাৰি জন জোৱান এটা বৃহৎ অঞ্চলৰ নিৰাপত্তাৰ দায়িত্ব ল’বলগা হৈছে। চতুৰ্থ এপিবিএনৰ শিবিৰটোত যোৱা ২২ জানুৱাৰীৰ পৰা এজন এএচআই বিষয়া, এজন হাবিলদাৰ, এজন কনিষ্টবল আৰু এজন লান্সনায়কসহ মুঠ চাৰিজন মাত্ৰ জোৱান নিয়োজিত হৈ আছে।
