ষড়ানন বৰা, চামগুৰিঃ সমাজ সংস্কাৰৰ লক্ষ্য আৰু অসম গৌৰৱ এশিঙীয়া গঁড হত্যা ৰোধ কৰাৰ মানসেৰে মঙলবাৰে নগাঁও জিলাৰ পুৰণিগুদাম জলাহগাঁৱত ড° ৰাজেন্দ্ৰ প্ৰসাদ পুথিভৰাঁলে ৰাভা সংগীত প্ৰতিযোগিতাৰ লগত সংগতি ৰাখি আয়োজন কৰিলে এক ব্যতিক্ৰমী কাৰ্যসূচী। গঁড় হত্যা ৰোধ আৰু সমাজ সংস্কাৰৰ মানসেৰে হাতত ৰঙ-তুলিকা লৈ কেনভাছত চিত্ৰ অংকনেৰে সমাজ সংগঠিত কৰাৰ লক্ষ্যৰে উলাই আহিল এদল চিত্ৰশিল্পী।
ড° ৰাজেন্দ্ৰ প্ৰসাদ পুথিভৰাঁলৰ ব্যৱস্থাপনাত আয়োজন কৰা উক্ত কাৰ্যসূচীটো বিশিষ্ট চিত্ৰশিল্পী বিপুল কুমাৰ বৰাই শুভ উদ্ধোধন কৰাৰ লগতে অনুষ্ঠানটোত অংশগ্ৰহন কৰে চিত্ৰশিল্পী প্ৰনৱ কুমাৰ শৰ্মা, শেৱালী বৰদলৈ, জ্যোতিকা বৰা ভূঞা আৰু বন্দিতা খাকলাৰীয়ে৷ ইয়াৰ পাছতেই কণ-কণ শিশু তথা ৰাইজক বন্যপ্ৰাণী সুৰক্ষাৰ ক্ষেত্ৰত সজাগ কৰিব বাবে প্ৰকৃতিপ্ৰেমী বিনোদ দুলু বৰাৰ দ্বাৰা এখন প্ৰৰ্দশনী অনুষ্ঠিত হয়।
