বেলি ডুবাৰ পিছত পঢ়িবলৈ নাপায় সন্তানে, ৩ বছৰ পাৰ হ’বৰ হ’ল চৰকাৰৰ, খিলঞ্জীয়াৰ ঘৰত নাই বিদ্যুতৰ সংযোগ

তেজপুৰ টাউনঃ ৰাজ্য চৰকাৰে প্ৰতিখন ঘৰত, প্ৰতিখন গাঁৱত বিদ্যুৰ সংযোগ দিয়াৰ প্ৰতিশ্ৰুতি দি ভোট ভিক্ষা কৰিছিল যোৱাটো বিধান সভা নিৰ্বাচনত৷ বছৰ বছৰ ধৰি লাঞ্চিত-বঞ্চিত অসমৰ ৰাইজক দিয়া প্ৰতিশ্ৰুতিত ভোল গৈ ৰাইজে ভোট দান কৰিছিল মিত্ৰজোঁটৰ দল তিনিটাক৷ 

অগপ, বিজেপি আৰু বিপিএফক ৰাইজে ভোট দান কৰি দিছপুৰৰ গাদীত বহুৱালে যদিও ৰাইজক দিয়া প্ৰতিশ্ৰুতি পূৰণ কৰিব নোৱাৰাৰ অভিযোগ উত্থাপন হৈ আহিছে৷ তিনিওটা দলে চৰকাৰ গঠন কৰৰা তিনিবছৰ পাৰ হ’বৰ হ’ল যদিও গ্ৰাম্য এলেকাৰ লোকৰ সমস্যা দূৰ কৰিব পৰা নাই৷ চৰকাৰ গঠন পূৰ্বে নিৰ্বাচনৰ সময়ত বৰ বৰ কথাৰে প্ৰতিশ্ৰুতি দিছিল৷ চৰকাৰ গঠন কৰিয়েই চমক সৃষ্টি কৰিছিল যদিও বৰ বৰ কথা সমূহ আৰু চমক ফোটোকাৰ ফেনত পৰিণত হয়৷