ম’হৰ পিঠিত নহয় নাচনীৰ কান্ধত পেঁপুৱা, ছচিয়েল মিডিয়াত চৰ্চা, কোনে কি কলে?

গুৱাহাটীঃ নাচনীৰ কান্ধত উঠি পেঁপা বজাই থকা কেইখনমান ফটো ছচিয়েল মিডিয়াত ভাইৰেল হৈ পৰে৷ পেঁপুৱাই নাচনীৰ কান্ধত উঠি পেপা বজোৱা দৃশ্যকলৈ ছচিয়েল মিডিয়াত বিভিন্নজনে বিভিন্ন ধৰণে মন্তব্য আগবঢ়াই৷ নাচনীৰ কান্ধত পেঁপুৱা আৰু নাচনীজনীৰ দুয়োখন হাতত দুখন কাঁহৰ কাঁহী৷ ওঁঠত মিচিকি মাধুৰি হাঁহি৷ এই দৃশ্য অকল্পনীয় যেন লাগিলেও কিন্তু অকল্পনীয় নহয়৷ এইবাৰ বিহু মাজতে ছচিয়েল মিডিয়াত ভাইৰেল হোৱা ফটো দুখন আছিল সাংস্কৃতিক নগৰী তেজপুৰৰ থেচপিয়ান নামৰ এটা সাংস্কৃতিক গোষ্ঠীৰ প্ৰদৰ্শনৰ দৃশ্য৷