82
গুৱাহাটীঃ কৰ’না আক্ৰান্ত ৰোগীসকলক চিকিৎসা কৰি থকা চিকিৎসকসকলৰ বাবে সুখবৰ। চিকিৎসাৰ সময়ছোৱাত চিকিৎসকসকলে যাতে মানসিক শক্তি লাভ কৰিব পাৰে তাৰ ব্যৱস্থা কৰিছে ৰাজ্য চৰকাৰৰ স্বাস্থ্য বিভাগে। একং সংবাদমেলযোগে আজি এই কথা সদৰী কৰিছে স্বাস্থ্যমন্ত্ৰী হিমন্ত বিশ্ব শৰ্মাই।
মন্ত্ৰীগৰাকীয়ে কয় যে ৩১ মাৰ্চৰ পৰা অসমত কৰ’না পজিটিভৰ ঘটনা পোহৰলৈ আহিছে। গতিকে কৰ’না ৰোগীৰ চিকিৎসাত নিয়োজিত চিকিৎসক, নাৰ্ছ তথা অন্যান্য স্বাস্থ্যকৰ্মীসকলে ৭দিনৰ পিছত ১৪ দিনৰ বাবে কোৱাৰেণ্টাইনত থাকিব লাগিব। প্ৰথমটো পজিটিভৰ ঘটনা শিলচৰৰ হ’লেও ইয়াৰ পিছতে গুৱাহাটীতো যিহেতু কৰ’না ৰোগীৰ চিকিৎসা চলিছে গতিকে গুৱাহাটীৰ চিকিৎসকসকলেও ৭ এপ্ৰিল মানত কোৱাৰেণ্টাইনত যাব লাগিব বুলি সদৰী কৰে মন্ত্ৰীগৰাকীয়ে।