তামুলপুৰ উচ্চতাৰ মাধ্যমিক বিদ্যালয় বাৰ্ষিক বঁটা বিতৰণী সভা সম্পন্ন

তামুলপুৰঃ তামুলপুৰ বিধান সভা সমষ্টিত আঢ়ৈ লাখ জনসংখ্যাৰে পৰিপূৰ্ণ ৷ প্ৰায় এক লাখ আশী হেজাৰ ভোটাৰ আছে ৷ বি টি চিৰ ভিতৰতে শিক্ষাৰ উচ্চ হাৰো মন কৰিবলগীয়া ৷

কিন্তু এনে জনবহুল তথা শিক্ষিত লোকেৰে পৰিপুষ্ট তামুলপুৰত এখন পূৰ্ণাংগ পৰ্যায়ৰ স্নাতক মহাবিদ্যালয় আজিকোপতি নথকাটো দুৰ্ভাগ্যজনক ৷ কিয়নো ৰাজ্য চৰকাৰখনে বিগত দিনত য’ত কলেজ আছে তাতো নতুন কলেজ স্থাপন কৰিছে ৷ আনকি দীনদয়াল উপাধ্যায়ৰ নামত কেইবাখনো ঠাইত প্ৰয়োজন নোহোৱা স্বত্ত্বেও কলেজ স্থাপন কৰিছে ৷ তামুলপুৰত কিয় স্থাপন কৰা হোৱা নাই ? তামুলপুৰ উচ্চতৰ মাধ্যমিক বিদ্যালয়ৰ প্ৰেক্ষাগৃহত বিদ্যালয়খনৰ প্ৰাক্তন অধ্যক্ষ পুৰন্দৰ বড়োৰ সভাপতিত্বত অনুষ্ঠিত হোৱা  বাৰ্ষিক বঁটা বিতৰণী সভাত মুখ্য অতিথি হিচাপে উপস্থিত থাকি সাংবাদিক নিতুমনি শইকীয়াই এনেদৰে মন্তব্য কৰে ৷