মঙলদৈঃ  ওৰাং ৰাষ্ট্ৰীয় উদ্যানত যোৱা ২৮ জানুৱাৰীত সংঘটিত গঁড় হত্যাৰ লগত জড়িত ৩ দুধৰ্ষ চোৰাং চিকাৰী দৰং আৰক্ষীৰ জালত পৰিছে । দৰং জিলাৰ ভাৰপাপ্ত আৰক্ষী অধীক্ষক সুমন চক্ৰৱতীৰ নেতৃত্বত চলা এক অভিযানত যোৱা নিশা আটক হয় চোৰং চিকাৰী তিনিটা।

ধৃত চোৰাং চিকাৰী কেইটা ক্ৰমে ৰমজান আলি¸ জনিক আলি আৰু চোভান আলি । জানিব পৰা মতে আটকাধীন চোৰাং চিকাৰী কেইটাৰ ঘৰ দলগাঁও আৰু শ্যামপুৰ থানাৰ অন্তৰ্গত ২নং শ্যামপুৰ চাপৰিত।

উল্লেখ্য যে বিগত বৰ্ষত ১৮টাকৈ চোৰাং চিকাৰী কৰায়ত্ব কৰিছিল দৰং আৰক্ষীয়ে। অনাগত দিনতো চোৰাং চিকাৰীৰ বিৰুদ্ধে দৰং আৰক্ষীয়ে তীব্ৰতৰ অভিয়ান অব্যাহত ৰাখিব বুলি newsnextone.comক জানিবলৈ দিয়ে।