61
গোৱালপাৰাঃ পুৱা গোৱালপাৰা জিলাৰ দোমনীত দুধনৈ নৈৰ ওপৰত থকা জৰাজীৰ্ণ কাঠৰ দলঙৰ পৰা পৰি গুৰুতৰভাবে আহত হয় নৌছাদ আলী আৰু ছহিদুল ইছলাম নামৰ দুজন লোক৷ দলং ভাঙি বাইক আৰু চাইকেল আৰোহী দুজন নৈৰ পানীত পৰে যদিয়ো ৰাইজৰ তৎপৰতাত দুয়োকে উদ্ধাৰ কৰা হয়৷ গুৰুতৰভাৱে আহত লোক দুজনক সম্প্ৰতি ভৰ্তি কৰোৱা হৈছে চিকিৎসালয়ত৷
এই দুৰ্ঘটনাত আন কেবাজনো লোকৰ কথমপি প্ৰানৰক্ষা পৰে৷ দোমনী-দহেলা সংযোগী গড়কপ্তানি পথত থকা এই দলংখনৰে যাতায়ত সম্পূৰ্ণভাৱে ব্যাহত হৈ পৰিছে৷ উল্লেখ্য যে দোমনী-দহেলা সংযোগী গড়কপ্তানি পথত দুধনৈ নৈৰ ওপৰত থকা এই কাঠৰ দলংখন বিগত বছৰ বছৰ ধৰি জৰাজীৰ্ণ হৈ অৱস্থাত আছে৷
