76
বিশেষ সংবাদঃ অৱশেষত বুধবাৰে পুৱাই খবৰটো আহিল। ড্ৰ’নে সম্ভেদ দিলে মঙলবাৰৰ পৰা বাঘজানৰ তৈলখাদৰ অগ্নিকাণ্ডত সন্ধানহীন হৈ থকা অইলৰ জৰুৰীকালীন বিভাগত কৰ্মৰত দুজনকৈ ফায়াৰ ফাইটাৰৰ মৃতদেহৰ। মৃতদেহ উদ্ধাৰ হোৱা এই কৰ্মচাৰী দুজন হৈছে দুলীয়াজনস্থিত অইল কলনীৰ বাসিন্দা তিষেশ্বৰ গোহাঁই আৰু দুৰ্লভ গগৈ। নিহত দুৰ্লভ গগৈ আছিল এজন সুদক্ষ ফুটবলাৰ আৰু অইলৰ ফুটবল দলটোৰ গলৰক্ষক।
দুজনকৈ কৰ্মচাৰী সন্ধানহীন হৈ থকাৰ কথা মঙলবাৰেই জানিব পাৰিছিল অইল কৰ্তৃপক্ষই। কিন্তু অইলৰ তৰফৰ পৰা এই কথা সম্পূৰ্ণ গোপন কৰি ৰখা হৈছিল। সংবাদ মাধ্যমলৈ প্ৰেৰণ কৰা প্ৰেছ বিবৃতিটোতো নাছিল এই ধৰণৰ কোনো কথা। প্ৰেছ বিবৃতিত কেৱল এজন কৰ্মচাৰী সামান্য পৰিমাণে আহত হোৱা বুলিহে উল্লেখ কৰিছিল অইলে।