77
ডিজিটেল ডেস্কঃ সফলতা লাভৰ কাৰণে কোনো বয়স নাথাকে। ধৈৰ্য থাকিলে জীৱনত কোনো এটা মূহুৰ্তত হ’লেও সফলতাই আপোনাক ধৰা দিব। তাৰবাবে লাগিব ধৈৰ্য। কিন্তু ১০১ বছৰলৈ ৰৈ থকাৰ ধৈৰ্য? হয়, ১০১ বছৰত সোণৰ পদক লাভ কৰিবলৈ সক্ষম হৈছে এগৰাকী মহিলাই। তাকো লুডু বা কেৰম নহয়, দৌৰৰ বাবে লাভ কৰিছে এই পদক।
নিউজিলেণ্ডৰ অ’কলেণ্ডত অনুষ্ঠিত হোৱা ৱৰ্লড মাষ্টাৰ্চ গেমচত ১০০ মিটাৰ দৌৰত সোমবাৰে সোণৰ পদক লাভ কৰিবলৈ সক্ষম হৈছে চণ্ডীগড়ৰ ১০১ বৰ্ষীয় মান কৌৰে। ১ মিনিট ১৪ চেকেণ্ডত ১০০ মিটাৰ দৌৰত জয়ী হোৱা বৰ্ষীয়ান দৌৰবিদগৰাকীয়ে টুৰ্ণামেণ্টত বুধবাৰে হ’বলগা ২০০ মিটাৰ দৌৰতো ভাগ ল’ব বুলি জানিবপৰা গৈছে।
