71
ডিজিটেল ডেস্কঃ অৱেশষত অবৈধ হৈ পৰিল ১৪০০ বছৰীয়া প্ৰাচীন তিন তালাক! উচ্চতম ন্যায়ালয়ৰ ৫জনীয়া বিচাৰপতিৰে গঠিত সাংবিধানিক বিচাৰপীঠে মঙলবাৰে ঘোষণা কৰে যে তিন তালাক সম্পূৰ্ণৰূপে অসাংবিধানিক৷ অহা ৬ মাহৰ ভিতৰত এই সন্দৰ্ভত আইন যুগুত কৰিবলৈকো চৰকাৰক নিৰ্দেশ দিয়ে সৰ্বোচ্চ আদালতে৷
এই ৬ মাহৰ ভিতৰত বিবাহ বিচ্ছেদৰ বাবে তিন তালাক প্ৰক্ৰিয়াৰ আশ্ৰয় ল’ব নোৱাৰিব বুলিও শীৰ্ষ আদালতে স্পষ্ট কৰি দিয়ে৷ এই সময়ছোৱাত যদি কোনো লোকে তিন তালাক দিয়ে আৰু সংশ্লিষ্ট স্ত্ৰীগৰাকীয়ে যদি আদালতৰ দ্বাৰস্থ হয় তেন্তে বিবাহ বিচ্ছেদ গ্ৰাহ্য নহ’ব বুলি বিচাৰপীঠে জানিবলৈ দিছে৷
