মৰিগাঁও পালে দিবাকৰে, মুখ্যমন্ত্ৰীৰ ঘৰৰ পৰা খোজকাঢ়ি আহি সাক্ষাৎ কৰিব মুখ্যমন্ত্ৰীক

গুৱাহাটীঃ মুখ্যমন্ত্ৰীৰ গৃহ জিলাৰ পৰা খোজকাঢ়ি আহিছে এগৰাকী যুৱকে৷ যোৱা ২ এপ্ৰিলৰ পৰা যুৱকজনে দিনে-নিশাই খোজ কাঢ়ি আহিছে কেৱল মুখ্যমন্ত্ৰীক সাক্ষাৎ কৰিবলৈ৷ উজনিৰ ডিব্ৰুগড়ৰ পৰা খোজকাঢ়ি আহি বুধবাৰে মৰিগাঁও জিলা পালে দিবাকৰ বড়া ঠেঙাল নামৰ যুৱকজনে৷ 

যুৱকজনে ৰাজ্যৰ মুখ্যমন্ত্ৰীৰ ৰাজধানী মহানগৰী গুৱাহাটীত উপস্থিত হৈ মুখ্যমন্ত্ৰীক লগ ধৰি ক’ব ১৫টা সমস্যাৰ কথা৷ ২ এপ্ৰিলৰ পৰা গুৱাহাটী অভিমুখে যাত্ৰা আৰম্ভ কৰিছিল দিবাকৰে৷ উজনিৰ পৰা পদব্ৰজে গুৱাহাটীলৈ আহি অসম চৰকাৰক কেইটামান দাবী জনাব৷ ২ এপ্ৰিলৰ দিনৰ ১২ বজাৰ পৰা ডিব্ৰুগড়ৰ পৰা গুৱাহাটী অভিমুখে পদব্ৰজে যাত্ৰা আৰম্ভ কৰা যুৱকজনে মুখ্যমন্ত্ৰী কাৰ্যালয়ত উপস্থিত হৈ তেওঁ কেইটামান দাবী উত্থাপন কৰিব৷