কৃষক মুক্তিৰ নেতৃত্বত শুকুৰবাৰে গুৱাহাটীত একত্ৰিত হ’ব জাতীয় দল-সংগঠন

গুৱাহাটীঃ নাগৰিকত্ব সংশোধনী বিধেয়কক লৈ ৰাজ্য উত্তাল হৈ থকাৰ সময়তে শুকুৰবাৰে কৃষক মুক্তি সংগ্ৰাম সমিতিৰ নেতৃত্বত গুৱাহাটীত একত্ৰিত হ’ব অসমৰ প্ৰায় সমূহ জাতীয়-জনগোষ্ঠীয় সংগঠন৷ কৃষক মুক্তি সংগ্ৰাম সমিতিৰ আহ্বান মৰ্মে অসমৰ প্ৰায় কেইটা জাতীয়-জনগোষ্ঠীয় সংগঠন একত্ৰিত হ’বলৈ মত প্ৰকাশ কৰা বুলি জানিব পৰা গৈছে৷ 

নাগৰিকত্ব সংশোধনী বিধেয়ক বাতলিৰ বাবে ঐক্যবদ্ধ সংগ্ৰামৰ প্ৰচেষ্টাৰ প্ৰক্ৰিয়া আৰম্ভ কৰিবলৈ আৰু ৰণনীতি সাজু কৰিবলৈ শুকুৰবাৰে কৃষক মুক্তিৰ নেতৃত্বত অনুষ্ঠিত হ’ব এখন বিশেষ সভা৷ অসম ৰাজ্যিক সংগ্ৰাহলয়ৰ কলকলাল বৰুৱা প্ৰেক্ষাগৃহত বিয়লি ৪ বজাৰ পৰা অনুষ্ঠিত হ’ব সভাখন৷ কৃষক মুক্তিয়ে এই সভাৰ নেতৃত্ব লৈ ইতিমধ্যে অসমৰ প্ৰায় সংখ্যাক দল-সংগঠনক পত্ৰ প্ৰেৰণ কৰা বুলি কয়৷