70
লক্ষ্নৌঃ অনিল কাপুৰৰ নায়ক চিনেমাখন যদি চাইছে, তেন্তে ছবিখনত এদিনৰ বাবে মুখ্যমন্ত্ৰী হোৱা নায়কজন নিশ্চয়কৈ মনত আছে। ঠিক একে কায়দাৰেই যেন চলিছে উত্তৰপ্ৰদেশৰ নৱনিৰ্বাচিত মুখ্যমন্ত্ৰী যোগী আদিত্যনাথৰ চৰকাৰ। ধুমুহাৰ বেগেৰে সিদ্ধান্ত লৈছে যোগীৰ চৰকাৰে। ক’ৰবাত যদি যোগীৰ আকস্মিক সাক্ষাতেৰে চৰকাৰী কৰ্মচাৰীৰ থৰ্কা-চুটি হেৰাইছে, ক’ৰবাত তাৎক্ষণিকভাৱে বহিস্কাৰ কৰিছে কোনোবা বিষয়াক।
এইবাৰৰ নতুন ধামাকাটো উত্তৰ প্ৰদেশৰ চৰকাৰৰ কৰ্মচাৰীৰ বেয়া খবৰ আনিছে। বৃদ্ধি কৰা হ’ব পাৰে চৰকাৰী কৰ্মচাৰীৰ কামৰ সময়৷ যদিহে নিৰ্ধাৰিত সময় অনুসৰি কাম নকৰে চাকৰি পৰ্যন্ত এৰিবলৈ সাজু থাকিব লাগিব কৰ্মচাৰীসকলে৷ দেওবাৰে এই কথা ঘোষণা কৰিছে যোগীয়ে।
