কাৰ সৈতে একাকাৰ হ’ল গৰিয়া, মৰিয়া, দেশী, পাংগাল, জোলহা, মাইমেলঃ সুকীয়া জৰীপৰ দাবী

newsnextone,com | গুৱাহাটীঃ সদৌ অসম গৰিয়া মৰিয়া দেশী জাতীয় পৰিষদৰ কামৰূপ মহানগৰ জিলা সমিতিয়ে গৰিয়া-মৰিয়া-দেশীৰ জনগোষ্ঠীৰ লোকৰ সুকীয়া জৰীপ, বিশেষ সাংবিধানিক সুৰক্ষা প্ৰদান আৰু ৰাজ্যত দ্বি-নাগৰিকত্ব ব্যৱস্থা প্ৰৱৰ্তনৰ দাবী জনাই চৰকাৰক৷ মঙলবাৰে গৰিয়া-মৰিয়া দেশী জাতীয় পৰিষদে চৰকাৰক এখন স্মাৰক পত্ৰ প্ৰদান কৰি ৰাজ্যত বসবাস কৰি অহা থলুৱা ইছলামধৰ্মীসকলৰ সুকীয়া জৰীপ কৰাৰ দাবী উত্থাপন কৰি কামৰূপ মহানগৰ জিলাৰ উপায়ুক্তৰ জৰিয়তে ৰাজ্যৰ মুখ্যমন্ত্ৰীক স্মাৰক পত্ৰ প্ৰদান কৰে৷

সংগঠনটোৱে কয় যে বৃটিছে অসম দখল কৰাৰ দিনৰে পৰা সেইসময়ৰ পূৰ্ববংগ এতিয়াৰ বাংলাদেৰ পৰা অসমভূমিলৈ প্ৰব্ৰজন হৈ অহা লাখ লাখ  প্ৰব্ৰজনকাৰীৰ আগ্ৰাসনত অসমৰ ইছলামধৰ্মী খিলঞ্জীয়া গৰিয়া-মৰিয়া-দেশীসকল সকলো ফালৰ পৰা বিপৰ্যয়ৰ সন্মুখিন হৈ আহিছে৷