যেন কুকুৰ তেন টাঙোন, ট্ৰাম্পক প্ৰত্যুত্তৰ দি মাৰ্কিন সামগ্ৰীত ৫০% শুল্ক বৃদ্ধি কৰিলে মোডীয়ে

newsnextone.com | ডিজিটেল ডেস্কঃ সম্প্ৰতি ভাৰতীয় সামগ্ৰীৰ ওপৰত শুল্ক লগাই ২৪১ মিলিয়ন ডলাৰ আদায় কৰাৰ বাবে কৌশল গ্ৰহণ কৰিছিল মাৰ্কিন প্ৰশাসনে৷ 
কিন্তু এইবাৰ তাৰ প্ৰত্যুত্তৰ দিলে ভাৰত চৰকাৰে৷ ৩০ টা মাৰ্কিন উৎপাদিত সামগ্ৰীৰ ওপৰত ৫০ শতাংশ শুল্ক বৃদ্ধি কৰাৰ সিদ্ধান্ত লৈছে মোডী চৰকাৰে৷ সেই মতে তালিকা প্ৰস্তুত কৰি WTOৰ ওচৰত জমাও দিছে চৰকাৰে৷

যোৱা মাৰ্চ মাহত ভাৰতীয় ষ্টীল আৰু এলুমনিয়াম সামগ্ৰীৰ ওপৰত আমেৰিকাই অতিৰিক্ত শুল্ক লাগু কৰিছিল৷ যাৰ ফলত ভাৰতৰ ব্যৱসায়ীসকল লোকচানৰ সন্মুখীন হৈছিল৷ কিন্তু তাৰ বিপৰীতে ২৪১ মিলিয়ন মাৰ্কিন ডলাৰ লাভ কৰিছিল ৱাছিংটনে৷ তাৰ পিছতে আমেৰিকা চৰকাৰক প্ৰত্যুত্তৰ দি মাৰ্কিন সামগ্ৰীৰ ওপৰত ৫০ শতাংশ শুল্ক বৃদ্ধি কৰে ভাৰতে৷