দাওদাওকৈ জ্বলিল ৰখাই থোৱা তেলৰ টেংকাৰ

বোকাজানঃ অসম-নগালেণ্ড আন্তঃৰাজ্যিক সীমান্তৱৰ্তী পাহাৰীয়া জিলা কাৰ্বি আংলংৰ বোকাজান মহকুমাৰ অন্তৰ্গত খটখটি এলেকাৰ এটা পাৰ্কিং স্থানত হঠাতে দাওদাওকৈ জ্বলি উঠিল দুখন তেল পৰিবাহী টেংকাৰ৷ 

বোকাজান মহকুমাৰ মাজেদি চুবুৰীয়া ৰাজ্য নগালেণ্ডলৈ যোৱা ৩৯ নং ৰাষ্ট্ৰীয় ঘাইপথৰ কাষত খটখটি এলেকাৰ এটা পাৰ্কিঙত ৰখাই থোৱা অৱস্থাত তেল পৰিবাহী দুখন টেংকাৰত হঠাতে অগ্নিকাণ্ড সংঘটিত হোৱাৰ ফলত বৃহৎ অঞ্চলটোৰ স্থানীয় ৰাইজৰ মাজত আতংকময় পৰিৱেশৰ সৃষ্টি হয়৷