ৰঙিয়াত পথ দুৰ্ঘটনাত শ্ৰমিকৰ মৃত্যু

ৰঙিয়াঃ  ৰঙিয়াৰ মাজেৰে যোৱা ৩১ নং ৰাষ্ট্ৰীয় ঘাইপথৰ বালাগাঁত আজি পুৱাৰ ভাগত এজন যুৱকে মৃত্যুক সাৱতি লয় । বৰপেটাৰ দিশৰ পৰা গুৱাহাটি অভিমুখে তীব্ৰ গতিত আহি থকা  AS 17D 7094 নম্বৰৰ আই টেইন গাড়ী এখনে যুৱকজনক খুন্দামাৰে । পথ অতিক্ৰম কৰিবলৈ লওতে এনেদৰে খুন্দামৰাৰ ফলত যুৱকজন বহু দুৰলৈ চিটিকিগৈ ঘটনাস্থলীতে মৃত্যুক সাৱতি লয় । লগে লগে যুৱক জনক স্থানীয় ৰাইজে ৰঙিয়া অসামৰিক চিকিৎসালয়লৈ নিয়ে যদিও চিকিৎসকে ইতিমধ্যে যুৱক জনৰ মৃত্যু হোৱা বুলি ঘোষনা কৰে ।