নগাঁৱত গীতাঞ্জলি বৰুৱা মিলি সাহিত্য বঁটা প্ৰদান অনুষ্ঠান

নগাঁওঃ শাৰীৰিক বাধাকো নেওচি সম্পূৰ্ণ একাগ্ৰতাৰে সাহিত্য সৃষ্টিত মনোনিৱেশ কৰি সাহিত্য ক্ষেত্ৰখনত এক সুকীয়া পৰিচয় দাঙি ধৰিবলৈ সমৰ্থ হোৱা বিশেষভাৱে সক্ষম নগঞা সু-লেখিকা শৰ্মিষ্ঠা প্ৰীতমক তেওঁৰ সাহিত্য ক্ষেত্ৰখনলৈ আগবঢ়োৱা অনবদ্য অৱদানৰ স্বীকৃতি স্বৰূপে ২০১৭ চনৰ ‘গীতাঞ্জলী বৰুৱা মিলি সাহিত্য বঁটা’ৰ বাবে নিৰ্বাচিত কৰা হৈছে৷

নগাঁৱৰ ফুলগুৰি নিৱাসী শৰ্মিষ্ঠা প্ৰীতমলৈ এই বঁটা আগবঢ়াইছে ‘গীতাঞ্জলী বৰুৱা মিলি ন্যাস’-য়ে৷ এই মৰ্মে কাইলৈ উক্ত ন্যাসৰ উদ্যোগত তথা শিৱসাগৰ জিলা সাহিত্য সভা আৰু দিখৌমুখ শাখা সাহিত্য সভাৰ সহযোগত আয়োজিত এখনি সভাত এই বঁটাটি আনুষ্ঠানিকভাৱে প্ৰদান কৰিব বিশিষ্ট শিল্পী পৃথ্বিৰাজ ৰাভাই৷