54
গুৱাহাটীঃ দেশৰ সপ্তদশ লোকসভাৰ নিৰ্বাচনত বৃহৎ বিজয়ৰ পাছত বৃহস্পতিবাৰে দ্বিতীয়বাৰৰ বাবে দেশৰ প্ৰধানমন্ত্ৰী হিচাপে দায়িত্বভাৰ গ্ৰহণ কৰিব প্ৰধানমন্ত্ৰী নৰেন্দ্ৰ মোডীয়ে। সন্ধিয়া ৭ বজাত ৰাষ্ট্ৰপতিৰ ভৱনত মোডীৰ লগতে শপতগ্ৰহণ কৰিব মোডীৰ কেবিনেট মন্ত্ৰীসকলে।
উল্লেখ যে এই শপতগ্ৰহণ অনুষ্ঠানত ৰাষ্ট্ৰপতি ভৱনৰ প্ৰাংগণত উপস্থিত থাকিব দেশ-বিদেশৰ প্ৰায় ৬০০০ৰো অধিক অতিথি। তাৰ ভিতৰত আছে দেশ-বিদেশৰ বহু ৰাষ্ট্ৰপ্ৰধান, বিৰোধী দলৰ নেতা, সকলো ৰাজ্যৰ মুখ্যমন্ত্ৰী আৰু ৰাজ্যপাল, বিজেপি নেতা, উচ্চ আৰু নিম্ন দুয়োটা সদনৰ সদস্যসকলৰ লগতে উপস্থিত থাকিব ভালে সংখ্যক ব্যক্তি। ইয়াৰ উপৰি এই শপতগ্ৰহণ অনুষ্ঠানলৈ দেশৰ প্ৰাক্তন প্ৰধানমন্ত্ৰী আৰু ৰাষ্ট্ৰপতিসকলকো আমন্ত্ৰণ জনোৱা হৈছে।
