উত্তৰ প্ৰদেশৰ পৰা গ্ৰেপ্তাৰ দিল্লীত আৰক্ষীলৈ গুলী চলোৱা শ্বাহৰুখ

নতুন দিল্লীঃ অৱশেষত গ্ৰেপ্তাৰ হ’ল যোৱা ২৪ ফেব্ৰুৱাৰীত দিল্লীৰ জাফৰাবাদ অঞ্চলত আৰক্ষী বিষয়ালৈ লক্ষ্য কৰি বন্দুক টোওৱা যুৱক শ্বাহৰুখ। দিল্লী আৰক্ষীৰ শীৰ্ষ বিষয়াই আনুষ্ঠানিকভাৱে মঙলবাৰে শ্বাহৰুখক গ্ৰেপ্তাৰ কৰাৰ কথা সদৰী কৰে। সংবাদ প্ৰতিষ্ঠান এএনআইৰ মতে দিল্লী আৰক্ষীৰ অপৰাধ অনুসন্ধান শাখাই উত্তৰ প্ৰদেশৰ পৰা গ্ৰেপ্তাৰ কৰে যুৱকজনক।

দিল্লীৰ হিংসাত্মক ঘটনাৰ সময়ত এই যুৱকজৰ ভিডিঅ’ই লাভ কৰিছিল ব্যাপক চৰ্চা। ভিডিঅ’টোত দিন-দুপৰতে যুৱকজনে আৰক্ষীলৈ লক্ষ্য কৰি বন্দুক টোওৱা দেখা গৈছে। যুৱকজনৰ পিছফালে থকা ভিৰৰ মাজৰ পৰা একাংশ লোকে নিক্ষেপ কৰিছিল শিলগুটি। ৰঙা চাৰ্ট পৰিহিত যুৱকজনে পিষ্টল টোৱাই আৰক্ষীৰ কাষলৈ অগ্ৰসৰ হৈছে। যুৱকজনৰ পিছে পিছে আগবাঢ়ি আহিছিল প্ৰতিবদাকাৰীৰ এটা জুম আৰু তেনেতে শুনা যায় গুলী ফুটাৰ শব্দ।