কৰ’নাতংকৰ মাজতে অব্যাহত অস্ত্ৰ সৰবৰাহ, খটখটিত ধৃত ডিমাপুৰৰ খ্ৰুপতা

বোকাজানঃ সমগ্ৰ বিশ্বতে ভয়াৱহ ৰূপ ধাৰণ কৰিছে কৰ’না ভাইৰাছে। ভাৰততো এই ভাইৰাছত আক্ৰান্ত হৈছে ৪ শতাধিক লোক, মৃত্য হৈছে ৭ জনৰ। এনে পৰিপ্ৰেক্ষিতত ইয়াক ৰোধ কৰিবলৈ দেওবাৰে জনতা কাৰ্ফিউ পালন কৰাৰ পিছত সোমবাৰৰ পৰা দেশৰ ভিন্ন প্ৰান্তত ঘোষণা কৰা হৈছে লকডাউন।

কৰ’নাক লৈ এনে পৰিস্থিতি উদ্ভৱ হোৱাৰ সময়তো দুষ্ট চক্ৰই অব্যাহত ৰাখিছে নিজৰ কাৰ্যকলাপ। আনকি একাংশ লোকে কৰ’নাক লৈ সৃষ্টি হোৱা পৰিস্থিতিৰ সুযোগ গ্ৰহণৰো অপেক্ষাত আছে। ইয়াকে প্ৰমাণিত কৰিছে বোকাজান আৰক্ষীৰ হাতত মহকুমাটোৰ পুৰণা লাহৰিজানত অস্ত্ৰ-শস্ত্ৰসহ এজন সৰবৰাহকাৰীক আটকাধীন হোৱা ঘটনাই৷