পানী টেংকিত বগা, কপাল বেয়া পৰিল আৰক্ষীৰ জালত

আজাৰাঃ বগা শুই আছিল ২০ ফুট ওখ পানী টেংকিত৷ পাছে আৰক্ষী অহাৰ উমান পাই ২০ ফুট ওখ পানী টেংকিৰ পৰা জপিয়াই পলাব খুজিছিল যদিও এইবাৰ বগাৰ কপাল বেয়া৷ আৰক্ষীৰ বেহু ফালি পলাব নোৱাৰিলে বগাই৷ পুৰ্বৰ দৰে ভুল নকৰি আৰক্ষীয়ে সষ্টম হৈ গৈছিল এইবাৰ বগাক ধৰিবলৈ৷

চৌদিশৰ পৰা ঘেৰি লৈ আৰক্ষীয়ে জাপ মৰাৰ লগে লগে গবা মাৰি ধৰিছিল বগাক৷ বোলছবিৰ কাহিনী যেন লাগিলেও অৱশেষত দূধৰ্ষ গাড়ীচোৰ বগা পৰিল আৰক্ষীৰ জালত৷ বিজয়নগৰ আৰক্ষীয়ে যোৱা দেওবাৰে নিশা গভাইত চোৰ বগা ওৰফে আনোৱাৰ হুছেইনক ধৰাৰ বাবে পৰিকল্পনা কৰে যদিও আৰক্ষীতকৈও যেন বেছি চলিল বগাৰ মগজু৷