শিৱসাগৰঃ ৰাজ্যৰ ভিন্ন ভিন্ন প্ৰান্তত থকা ঐতিহাসিক সম্পদ তথা প্ৰাচীন কীৰ্তিচিহ্ন সমূহ বচাই ৰখা ক্ষেত্ৰত চৰকাৰ পদক্ষেপ লোৱাৰ বাবে দল-সংগঠনে তথা সচেতন নাগৰিকে দাবী জনাই অহাৰ সময়তে অাহোম জাতীয় গণ মঞ্চই শিৱসাগৰ জিলা সমিতিয়ে শিৱসাগৰ জিলাৰ মান অভিমান তথা ছশবছৰীয়া অাহোমৰ ৰাজত্ব কালৰ ইতিহাস বিজড়িত প্ৰাচীন কীৰ্তিচিহ্ন সমূহ সংৰক্ষণ তথা বেদখল মুক্ত কৰা আৰু শিৱসাগৰ জিলাক পৰ্যটন ঘোষণাৰ দাবীত এশ ঘণ্টীয়া অনশন কাৰ্যসূচী হাতত লৈছে।
ৰাজ্যখনৰ প্ৰাচীন কীৰ্তিচিহ্ন তথা ঐতিহাসিক স্থানসমূহৰ বৈজ্ঞানিক পদ্ধতিৰে সংৰক্ষণ তথা মেৰামতিৰ কথা সততে আলোচনা হয় যদিও চৰাকাৰী পক্ষৰপৰা কাৰ্যতঃ বিশেষ কোনো ব্যৱস্থা গ্ৰহণ কৰা পৰিলক্ষিত হোৱা নাই বুলি অভিযোগ উত্থাপন কৰিছে আহোম জাতীয় গণ মঞ্চই। কেৱল নিৰ্বাচনৰ পূৰ্বে ঐতিহাসিক সম্পদ সমূহ সংৰক্ষণ ব্যৱস্থা কৰা হ’ব বুলি প্ৰতিশ্ৰুতি দিয়ে যদিও সেয়া ফুটুকাৰ ফেন হৈ ৰয় বুলি আক্ষেপ কৰিছে গণ মঞ্চই।
