পানীতোলাত জাতিধ্বংসী বিধেয়কৰ বিৰুদ্ধে ৰে’লপথ অৱৰোধ যুৱ-ছাত্ৰ পৰিষদৰ

ডিব্ৰুগড়ঃ নাগৰিকত্ব সংশোধনী বিধেয়ক-২০১৬ৰ বিৰুদ্ধে ৰাজ্যজুৰি অব্যাহত আছে দল-সংগঠনৰ প্ৰতিবাদী কাৰ্যসূচী। বৃহস্পতিবাৰে বিধেয়কখনৰ বিৰুদ্ধে অসম জাতীয়তাবাদী যুৱ-ছাত্ৰ পৰিষদে ৰূপায়ণ কৰিছে ৰে’লপথ অৱৰোধ কাৰ্যসূচী। 

জাতীয় সংগঠনটোৱে ৰাজ্যৰ বিভিন্ন স্থানত ৰে’লপথ অৱৰোধ কৰি প্ৰতিবাদ সাব্যস্ত কৰে। অসম জাতীয়তাবাদী যুৱ-ছাত্ৰ পৰিষদৰ তিনিচুকীয়া আৰু ডিব্ৰুগড় জিলা সমিতিৰ উদ্যোগত জাতিধ্বংসী সংশোধনী বিধেয়কৰ লগতে অসমত আন্তঃৰাজ্যিক পাৰ-পত্ৰ ব্যৱস্থা আৰু নাগৰিকত্ব শাসন ব্যৱস্থা প্ৰৱৰ্তনৰ দাবীত পানীতোলাত ৰে’লপথ অৱৰোধ কৰে।