গোৰেশ্বৰঃ বাগসা জিলাৰ গোৰেশ্বৰ থানা অন্তৰ্গত ঔগুৰি চামাবাৰী গাঁৱত ১৪ ডিচেম্বৰৰ সন্ধিয়া ৫ বজাত দুই যুৱকক বাইক চোৰৰ সন্দেহত ৰাইজে আটক কৰে। এই দুই যুবক ক্ৰমে ৰঙিয়া থানা অন্তৰ্গত হৰিয়নদাব গাঁৱৰ দীপক বৰ্মনৰ পুত্ৰ নৰেশ্বৰ শালৈ (২৬) আৰু আনজন হাজো থানা অন্তৰ্গত বৰম্বৈ গাঁৱৰ বাহাদুৰ দাসৰ পুত্ৰ
ৰিতেন দাস (২৫) বুলি জানিব পৰা গৈছে।
তথ্য মতে, গাঁৱখনত সন্ধিয়া চাৰি যুবকৰ সন্দেহজনক চাল-চলনত দেখি গাঁৱৰ ৰাইজে যুবকদ্বয়ক আটক কৰে। যদিও আন দুজন পলাই সাৰে। গাঁৱখনত যোৱা কেইদিনমানৰ ভিতৰত তিনিখনকৈ বাইক চুৰি হোৱাৰ পৰিপ্ৰেক্ষিতত গাঁৱৰ ৰাইজে নিশা পহৰাৰো ব্যৱস্থা কৰিছিল।