শিলগুটিৰ আঘাতত ৰক্তাক্ত হ’লেহে আৰম্ভ হয় কালী পূজা

ধমি (হিমাচল প্ৰদেশ): পূজা উপলক্ষত আপুনি কেনেধৰণৰ পৰম্পৰাৰ দেখিছে বাৰু? বলি-বিধান কিম্বা আৰতি-অৰ্চনাই সাধাৰণতে পূজাত ঠাই পায়৷ জানি আচৰিত হ’ব যে হিমাচল প্ৰদেশৰ এখন গাঁৱত এজনে আনজনৰ গালৈ শিলগুটি দলিয়াই পালন কৰি আহিছে কালী গোসাঁনীৰ পূজা৷ 

প্ৰতি বছৰেই হিমাচল প্ৰদেশৰ ধামি নামৰ গাওখনত প্ৰায় শতাধিক লোক একত্ৰিত হৈ দেৱী পূজা কৰাৰ লগতে স্থানীয় দুখন গাঁৱৰ ৰাইজ লগ লাগি আয়োজন কৰে বৰ্ণাঢ্য শোভাযাত্ৰাৰ৷ তাৰ পাছতেই আৰম্ভ হয় দেৱীক সন্তুষ্ট কৰিবলৈ শিলগুটি নিক্ষেপ কৰাৰ দৰে অদ্ভুত তথা ভয়ানক কাণ্ড৷