16
মুম্বাইঃ ‘তানাজীঃ দ্য আনছাং ৱেৰিয়ৰ’ চিনেমাখনত ইতিহাসক বিকৃতভাৱে উপস্থাপন কৰা হৈছে। এই মন্তব্য কৰিছে চিনেমাখনৰ এটি অন্যতম গুৰুত্বপূৰ্ণ চৰিত্ৰত অভিনয় কৰা অভিনেতা ছঈফ আলী খানে। প্ৰতিষ্ঠিত সাংবাদিক অনুপমা চোপ্ৰাৰ সৈতে হোৱা এক সাক্ষাৎকাৰত অভিনেতাগৰাকীয়ে কয় যে উদয়ভান ৰাথোৰৰ চৰিত্ৰটোৰ প্ৰতি তেওঁ আকৰ্ষিত হৈ পৰিছিল আৰু সেয়ে অভিনয় কৰাৰ পৰা নিজকে বিৰত ৰখাৰ কথা মনলৈ নাহিল।
‘কিছুমান কাৰণত মই কোনোধৰণৰ ষ্টেণ্ড ল’ব নোৱাৰিলো। হয়তো অহাবাৰ মই এনেকুৱা কৰিব পাৰিম। মোৰ চৰিত্ৰটো বহুত ভাল লাগিছিল, সেয়ে অভিনয়ৰ প্ৰস্তাৱত সন্মতি নজনোৱাকৈ থাকিব নোৱাৰিলো। কিন্তু এয়া কোনোধৰণৰ ইতিহাস নহয়। ইতিহাস কি সেই বিষয়ে মই ভালকৈয়ে জানো। ইয়াত পলিটিকেল নেৰেটিভ সলনি কৰা হৈছে আৰু এয়া অতি ভয়াৱহ।’-সাক্ষাৎকাৰটোত এইদৰে কয় অভিনেতাগৰাকীয়ে।
