164
জেৰুজালেমঃ তৃতীয় দিনত ভৰি দিলে মধ্যপ্ৰাচ্যৰ ৰক্তক্ষয়ী সংঘাতে। দেওবাৰেও ইজৰাইল আৰু ইৰাণৰ মাজত আক্ৰমণ আৰু প্ৰত্যাক্ৰমণ অব্যাহত থকাৰ ফলত আঞ্চলিক পৰিস্থিতি আৰু অধিক ভয়াৱহ হৈ পৰে। ইৰাণৰ প্ৰতিৰক্ষা মন্ত্ৰালয়ৰ মুখ্য কাৰ্যালয়কে ধৰি গুৰুত্বপূৰ্ণ পাৰমাণৱিক আৰু সামৰিক প্ৰতিষ্ঠানসমূহত ব্যাপক আক্ৰমণ চলোৱাৰ দাবী কৰিছে ইজৰাইলৰ সেনাই।
ইয়াৰ প্ৰতিক্ৰিয়া স্বৰূপে ইৰাণেও ইজৰাইলৰ ফালে শ শ ক্ষেপণাস্ত্ৰ আৰু ড্ৰ’ন নিক্ষেপ কৰি আঞ্চলিক সংঘাতৰ আশংকা আৰু অধিক তীব্ৰতৰ কৰি তুলিছে। দেওবাৰে পুৱা ইজৰাইলে ইৰাণৰ পাৰমাণৱিক আৰু সামৰিক সুবিধাসমূহত বৃহৎ আক্ৰমণ চলায়। ইজৰাইলৰ সেনাই কয় যে এই আক্ৰমণত তেহৰাণৰ প্ৰতিৰক্ষা মন্ত্ৰালয়ৰ মুখ্য কাৰ্যালয়, সামৰিক ঘাটি আৰু ইয়াৰ পাৰমাণৱিক প্ৰকল্পৰ সৈতে জড়িত স্থানসমূহ লক্ষ্য কৰি লোৱা হৈছে।
