87
চাবুৱাঃ আজি ৰাজ্যৰ মুখ্যমন্ত্ৰী সৰ্বানন্দ সোণোৱাল ডিব্ৰুগড় জিলাৰ বান বিধ্বস্ত দধিয়া-লাইকা অঞ্চলত উপস্থিত হৈ পৰিস্থিতিৰ বুজ লয়৷ ব্ৰহ্মপুত্ৰ আৰু ডিব্ৰু নদীৰ গৰাখহনীয়াৰ কবলত পৰি প্ৰায় ১২০০ পৰিয়াল হাহাকাৰ কৰিবলগীয়া হোৱাৰ পাছতো ৰাজ্য চৰকাৰে গুৰুত্ব আৰোপ নকৰাৰ অভিযোগ উত্থাপন হৈ অহাৰ সময়তে মুখ্যমন্ত্ৰীৰ উপস্থিতিয়ে বহন কৰিছে বিশেষ তাৎপৰ্য।
মুখ্যমন্ত্ৰীগৰাকীয়ে দধিয়া-লাইকা অঞ্চলৰ খহনীয়াত সকলো হেৰুৱা লোকসকলক পুনৰ সংস্থাপনৰ আশ্বাস প্ৰদান কৰে৷ আনহাতে ডিব্ৰুগড় জিলাৰ দধিয়া-লাইকা অঞ্চলত বান হোৱা নাই বুলি স্থানীয় বিধায়ক বিনোদ হাজৰিকাই দাবী কৰাৰ সময়তে মটক যুৱ-ছাত্ৰ পৰিষদে দধিয়াৰ লোকসকলক লৈ মুখ্যমন্ত্ৰীক হেতালি নেখেলিবলৈ সকীয়াই দিয়ে৷
