4
লক্ষ্ণৌঃ প্ৰয়াগৰাজৰ ঐতিহাসিক মহাকুম্ভ মেলাত মৌনী অমাৱস্যাৰ দিনা অমৃত স্নানৰ সময়তে সংঘটিত হ’ল এক হৃদয়বিদাৰক দুৰ্ঘটনা। বৃহৎ সংখ্যক ভক্তৰ ভিৰৰ ফলত সৃষ্টি হোৱা বিশৃংখল পৰিস্থিতিত মঙলবাৰে নিশা পদপিষ্ট হৈ মৃত্যুক সাৱটিবলগীয়া হ’ল বহু ভক্তই। এই ঘটনাত আহত হৈছে মহিলা আৰু শিশুকে ধৰি বহু পূণ্যাৰ্থীও। মহাকুম্ভ সংঘটিত এই ভয়ংকৰ ঘটনাৰ পিছতে উত্তৰ প্ৰদেশৰ যোগী প্ৰশাসনে পৰিস্থিতি সঠিকভাৱে নিয়ন্ত্ৰণ কৰিব নোৱাৰাৰ অভিযোগ উত্থাপন হৈছে। চৰকাৰী বিৱৰণী আৰু প্ৰত্যক্ষদৰ্শীৰ দাবীৰ পাৰ্থক্য থকাৰ বাবে মৃত্যুৰ সংখ্যাক লৈ বিভ্ৰান্তিৰ সৃষ্টি হৈছে। ইতিমধ্যে মুখ্যমন্ত্ৰী যোগী আদিত্যনাথে ঘটনাৰ উচ্চ পৰ্যায়ৰ তদন্তৰ নিৰ্দেশ দিছে আৰু মৃতকৰ পৰিয়ালৰ ক্ষতিপূৰণৰ কথা ঘোষণা কৰিছে।
কেনেকৈ সংঘটিত হ’ল অঘটন?
