হেমন্ত কলিতা, নলবাৰীঃ পুৱাৰে পৰা নেৰানেপেৰা বৰষুণৰ মাজতো অগনন ভক্তৰ সমাবেশৰে সোমবাৰে দেহাৰকুছি মনসাপীঠত ত্ৰিবিংশতিতম ৰাজহুৱা শ্ৰীশ্ৰী নাগপঞ্চমী পূজাৰ সামৰণি পৰে৷
পুৱাৰ ভাগত পূজা পৰিচালনা সমিতিৰ সভাপতি বীৰেন্দ্ৰ নাথ শৰ্মাই পতাকা উত্তোলন কৰাৰ পিচতে সমাজসেৱক সুৰেশ চন্দ্ৰ শৰ্মাই স্মৃতি তৰ্পণ কৰে, ইয়াৰ পিছতে পৰম্পৰা ৰীতি অনুযায়ী ঘট স্থাপন আৰু পূজাৰম্ভ আৰু প্ৰকৃতি সুৰক্ষাৰ স্বাৰ্থত প্ৰবীন শৰ্মাই বৃক্ষ ৰোপন কৰে৷
এইবাৰো পূজাত শহস্ৰাধিক ভক্তই পঠা ছাগলী, হাঁহ, কোমোৰা, পাৰ চৰাই বলি হিচাবে দান কৰাৰ উপৰিও কেইবা শহস্ৰাধিক ভক্তপ্ৰান ৰাইজে একেলগে বহি ভোগ গ্ৰহণ কৰে৷ পূজাত শতাধিক বিশিষ্ট ব্যক্তিক আমন্ত্ৰণ জনোৱা হৈছিল যদিও বিজেপি যুৱনেতা নিবাৰণ লহকৰ আৰু এমট্ৰনৰ প্ৰৱন্ধক তথা সমাজকৰ্মী দিনমণি ভাণ্ডাৰ কায়স্থৰ বাহিৰে কোনো এজনো লোকে অংশগ্ৰহণ নকৰিলে৷
আনহাতে প্ৰথম দিনাখন সন্ধিয়া বন্তি প্ৰজ্বলন আৰু টোপধ্বনি কাৰ্য্যসূচী ৰূপায়িত কৰে৷