প্ৰধানমন্ত্ৰী আৱাস যোজনা প্ৰথমটো ঘৰ উদ্বোধন

গোলাঘাটঃ প্ৰধানমন্ত্ৰী আৱাস যোজনা (গ্ৰামীন)ৰ অধীনত গোলাঘাট জিলাৰ প্ৰথমটো ঘৰ বৃহস্পতিবাৰে গমাৰিগুৰি উন্নয়ন খণ্ডৰ চিচুপানী গাওঁ পঞ্চায়তৰ ৰতনপুৰ গাওঁত জিলা উপায়ুক্ত গৌৰৱ বোথ্ৰাই উদ্বোধন কৰে৷ 

হিতাধিকাৰী সঞ্জিতা বসুমাতাৰীয়ে ইতিমধ্যে এই আচঁনিৰ অধীনত চৰকাৰৰ পৰা ১ লাখ ৩০ হাজাৰ টকা লাভ কৰিছে আৰু মহাত্মা গান্ধী গ্ৰাম্য নিয়োগ নিশ্চিত আইনৰ অধীনত ৯৫ দিনৰ অদক্ষ শ্ৰমিক হিচাপে প্ৰতি দিনে ১৮৩ টকাকৈ মুঠ ১৭,৩৮৫ টকা লাভ কৰিব৷ ইয়াৰ উপৰিও হিতাধিকাৰীগৰাকীয়ে স্বচ্ছ ভাৰত অভিযানৰ অধীনত ব্যক্তিগত শৌচালয় নিৰ্মানৰ বাবে ১২,০০০ টকা লাভ কৰিব৷