65
তিনিচুকীয়াঃ তিনিচুকীয়া জিলাৰ ভিতৰুৱা তথা সমস্যাবহুল অঞ্চল বৰডুমচা-পেঙেৰীৰ বিভিন্ন জ্বলন্ত সমস্যা সমাধানৰ দাবীত আজি কেবাটাও সংগঠনে পথ অৱৰোধেৰে তীব্ৰ প্ৰতিবাদ সাব্যস্ত কৰে।
বৃহত্তৰ অঞ্চলটোৰ বৰডুমচা-পেঙেৰী আঞ্চলিক ছাত্ৰ সন্থাৰ উদ্যোগত ডিগবৈ আঞ্চলিক মৰাণ ছাত্ৰ সন্থা, পেঙেৰী আঞ্চলিক গোৰ্খা ছাত্ৰ সন্থা, পেঙেৰী শাখা চাহ জনজাতি ছাত্ৰ সন্থা, অসম জাতীয়তাবাদী যুৱ-ছাত্ৰ পৰিষদৰ পেঙেৰী-বৰডুমচা আঞ্চলিক সমিতি আৰু তিনিচুকীয়া জিলা দেউৰী ছাত্ৰ সন্থাই স্থানীয় ৰাইজৰ সহযোগত ৩৮ নং ৰাষ্ট্ৰীয় ঘাইপথ অৱৰোধ কাৰ্যসূচী ৰূপায়ণ কৰে।
