ভাইৰেল, জাগীৰোড আছুৰ কাৰ্যালয়ত বজৰঙৰ পোষ্টাৰ

গুৱাহাটীঃ কোঠাটোৰ দুৱাৰখন খোলা আছে৷ বাঁহৰ খুটিত লগাই থোৱা কেইখনমান পোষ্টাৰ কোঠাটোৰ ভিতৰৰ এখন দেৱালত আওজাই থোৱা আছে৷ পোষ্টাৰ কেইখনত আছে কেইটামান শ্ল’গান৷ দেৱালত আওজাই থোৱা পোষ্টাৰত টেট শিক্ষয়িত্ৰীক কৰা হাৰাশাস্তিৰ বন্ধ হওঁক, বজৰং দল জিন্দাবাদ, নাৰীৰ ওপৰত অত্যাচাৰ বন্ধ কৰক আদি শ্ল’গান লিখা আছে৷

আনহাতে কোঠাটোৰ দুৱাৰৰ ওপৰ ফালে লিখা আছে ‘কাৰ্যালয়, জাগীৰোড আঞ্চলিক ছাত্ৰ সন্থা’ বুলি৷ আমি বৰ্ণণা কৰা এই দৃশ্য এখন আলোকচিত্ৰৰ৷ এই আলোকচিত্ৰখন যোৱা দুদিন ধৰি ভাইৰেল হৈ পৰিছে ৰাজ্যত৷