58
গোৰেশ্বৰঃ এটাৰ পিছত এটাকৈ দল-সংগঠন সৰৱ হৈ পৰিছে এবছুৰ বিভাজনমূলক মন্তব্যৰ বিৰুদ্ধে। অবড়ো সুৰক্ষা সমিতিৰ পিছত এইবাৰ মাত মাতিছে সংগঠনটোৰ ভাতৃ সংগঠনস্বৰূপ সচেতন গণ মঞ্চই।
অসম বিভাজন সংক্ৰান্ত এবছুৰ সাধাৰণ সম্পাদক লৰেন্স ইছলাৰীৰ মন্তব্য কোনো কাৰণতে মানি ল’ব পৰা নাযায় বুলি প্ৰতিক্ৰিয়া প্ৰকাশ কৰিছে সচেতন গণ মঞ্চই। মঞ্চৰ সাধাৰণ সম্পাদক ললিত ডেকাই এক প্ৰেছ বিবৃতিযোগে আজি কয় যে মেঘালয়, নাগালেণ্ড, মিজোৰাম আদি ৰাজ্য ইতিপূর্বে অসমৰ পৰা পৃথক হৈ গৈছে যদিও সুফল পোৱা নাই ৰাজ্যকেইখনৰ জনসাধাৰণে।
