খেৰণিঃ বিশিষ্ট নেপালী সাহিত্যিক খৰ্কা বাহাদুৰ ছেত্ৰী আৰু নাই। নেপালী সাহিত্যৰ হোতা, অসম নেপালী সাহিত্য সভাৰ প্ৰাক্তন সভাপতি খৰ্কা বাহাদুৰ ছেত্ৰীয়ে বুধবাৰে শেষ নিশ্বাস ত্যাগ কৰে৷ যকৃৎ ৰোগত আক্ৰান্ত হৈ গুৱাহাটী এপল’ হস্পিতালত চিকিৎসাধীন অৱস্থাত ৭৮ বছৰ বয়সত ছেত্ৰীয়ে শেষ নিশ্বাস ত্যাগ কৰে৷ পাহাৰীয়ে জিলা পশ্চিম কাৰ্বি আংলঙৰ হাৱাইপুৰৰ বাসিন্দা আছিল খৰ্কা বাহাদুৰ ছেত্ৰী৷ তেওঁ মৃত্যুৰ খবৰ প্ৰচাৰ হোৱাৰ পিছতে গুণমুগ্ধৰে তেওঁৰ ঘৰ ভৰি পৰে৷
সহিত্যিকগৰাকীয়ে শিক্ষকতা কৰাৰ লগতে, সমাজসেৱা কৰি গৈছিল কাৰ্বি পাহাৰত৷ তেওঁৰ মৃত্যুত বৃহত্তৰ হাৱাইপুৰৰ লগতে সমগ্ৰ পাহাৰীয়া জিলা কাৰ্বি আংলঙত শোকৰ ছাঁ পৰে৷ অসম নেপালী সাহিত্য সভাৰ বিষয়-ববীয়া, পশ্চিম কাৰ্বি আংলঙৰ হাৱাইপুৰবাসী, নেপালী সমাজ, বিভিন্ন দল-সংগঠন, বৃহত্তৰ অঞ্চলটোৰ ছাত্র-ছাত্ৰীয়ে গভীৰ শোক প্ৰকাশ কৰাৰ লগতে পৰিয়ালক সমবেদনা জ্ঞাপন কৰে।
