124
নিউজ ডেস্কঃ “অসমৰ ৰজাই মূৰ দোৱাই কথা নকয়৷ কিন্তু আমি আজি লজ্জিত৷ লোকসভাৰ মজিয়াত অৰুণ জেটলীৰ দৰে মানুহক সৰ্বানন্দ সোণোৱালে মূৰ দোৱাই ভৰিত ধৰা অসভ্য অসমীয়া সৰ্বানন্দ সোণোৱাল৷ অসমীয়া বুলি কোৱাৰ যোগ্যতা নাই সৰ্বানন্দ সোণোৱালৰ৷”-এই তীৰ্যক মন্তব্য অসম সংগ্ৰামী মঞ্চৰ সভাপতি মনজিৎ মহন্তৰ৷
গোলাঘাট জিলাৰ টেঙানীৰ বিষ্ণুজ্যোতি সমন্বয় ক্ষেত্ৰত অনুষ্ঠিত কৃষক মুক্তি সংগ্ৰাম সমিতিৰ পঞ্চম দ্বিবাৰ্ষিক অধিৱেশনৰ মুকলি সভাত জাতীয়তাবাদী নেতা মনজিৎ মহন্তই আৰু কয় যে সৰ্বানন্দ সোণোৱালে জাতি বিক্ৰী কৰিবলৈ ওলাইছে৷ তিনিদিনীয়া বৰ্ণাঢ্য কাৰ্যসূচীৰে অনুষ্ঠিত কৃষক মুক্তি সংগ্ৰাম সমিতিৰ অধিৱেশনৰ মুকলি সভাত মহন্তই ৰাজ্য চৰকাৰৰ প্ৰভাৱশালী মন্ত্ৰী হিমন্ত বিশ্ব শৰ্মাকো আক্ৰমণৰ লক্ষ্য হিচাপে লৈ পাবত গজা নেতা আখ্যা দিয়ে৷
