60
চণ্ডীগড়ঃ ভয়াৱহ ৰূপ ধাৰণ কৰা কৰ’না ভাইৰাছত আক্ৰান্ত হৈ মৃত্যমুখত পৰা লোকৰ সংখ্যা ৪ জনলৈ বৃদ্ধি পালে ভাৰতত৷ চতুৰ্থজন লোকৰ মৃত্যুৰ এই ঘটনা পোহৰলৈ আহিছে পঞ্জাৱত৷ বৃহস্পতিবাৰে পঞ্জাৱৰ হশ্বিৰাপুৰৰ বংগাৰ এখন চিকিৎসালয়ত মৃত্যু হয় লোকজনৰ৷
চৰকাৰী সূত্ৰই সদৰী কৰা মতে, এপষেক আগতে জাৰ্মানীৰ পৰা ইটালী হৈ ভাৰতলৈ উভতিছিল ৭০ বৰ্ষীয় লোকজন৷ দেশলৈ উভতাৰ পিছতে বুকুৰ বিষত ভোগা লোকজনক লগে লগে বংগাৰ অসামৰিক চিকিৎসালয়ত ভৰ্তি কৰোৱা হয়৷ স্বাস্থ্য পৰীক্ষাৰ অন্তত পজিটিভ ধৰা পৰাত লোকজনক আইছ’লেশ্যনত ৰাখি চিকিৎসাৰ ব্যৱস্থা কৰে চিকিৎসালয় কৰ্তৃপক্ষই৷