লকডাউন নামানিলেই জেললৈ প্ৰেৰণ! এইবাৰ আৰু কঠোৰ কেন্দ্ৰ চৰকাৰ

নতুন দিল্লীঃ কৰ’না ভাইৰাছক লৈ বিশ্বৰ ভিন্ন প্ৰান্তৰ দেশসমূহৰ লগতে উদ্বিগ্ন হৈ পৰিছে ভাৰতো। কিন্তু এতিয়াও বহুতেই  ‘লকডাউন’ক গুৰুত্ব সহকাৰে লোৱা নাই বুলি ধাৰণা কৰিছে প্ৰধানমন্ত্ৰী নৰেন্দ্ৰ মোদীয়ে। দেওবাৰে আহ্বান জনোৱা ‘জনতা কাৰ্ফিউ’ত ঠায়ে ঠায়ে উদ্ভৱ হোৱা পৰিস্থিতিৰ কথা জানিব পাৰি এতিয়া লকডাউনক লৈ অধিক কঠোৰ হৈ পৰিছে কেন্দ্ৰীয় চৰকাৰ।

লকডাউনক লৈ কঠোৰ হোৱা কেন্দ্ৰীয় চৰকাৰে সেয়ে এই লৈ জাৰি কৰিছে একাধিক নিৰ্দেশনা। এই অনুযায়ী লকডাউন নামানিলে অভিযুক্তক জেললৈ প্ৰেৰণ কৰাৰ নিৰ্দেশ জাৰি কৰিছে কেন্দ্ৰ চৰকাৰে। ইতিমধ্যে ৰাজ্য চৰকাৰসমূহকো বিষয়টোত অধিক গুৰুত্ব প্ৰদান কৰিবলৈ আহ্বান জনাইছে প্ৰধানমন্ত্ৰী মোদীয়ে।