গুৱাহাটীত কৰ’নাত আক্ৰান্ত এজনৰ মৃত্যু! এতিয়ালৈ স্পষ্ট কৰা নাই চৰকাৰে

গুৱাহাটীঃ ক্ৰমাৎ ভয়াৱহ হৈ পৰিছে ৰাজ্যৰ পৰিস্থিতি। যোৱা মঙলবাৰে দুজনকৈ লোকৰ দেহত পজিটিভ ধৰা পৰাৰ পিছত বৃহস্পতিবাৰে একেদিনাই ৮ জনকৈ লোকৰ দেহত ধৰা পৰে কৰ’না পজিটিভ। ইয়াৰে ৪ জন হৈছে গুৱাহাটী মহানগৰীৰ।

গুৱাহাটী মহানগৰীত পজিটিভ ধৰা পৰা ৪ জনৰ এজন গুৱাহাটী চিকিৎসা মহাবিদ্যালয়ৰ চিকিৎসক হোৱাত এতিয়া ভিতৰি ভিতৰি শংকিত হৈ পৰিছে ৰাজ্যৰ স্বাস্থ্য বিভাগ। চিকিৎসকগৰাকী সংক্ৰমিত হোৱাৰ খবৰ লাভ কৰাৰ লগে লগে সমগ্ৰ জিএমচিএইছতে গ্ৰহণ কৰা হৈছে পূৰ্বতকৈয়ো অধিক সতৰ্কতামূলক ব্যৱস্থা।