পিতৃৰ চেকনিৰ কোবৰ পৰা আদালতৰ মজিয়া পোৱা সেই প্ৰেম…

বিশেষ প্ৰতিবেদনঃ ‘আমি ইজনে আনজনক ভালপাও। মই হিন্দু আৰু তেওঁ মুছলমান। ধৰ্ম বেলেগ বাবেই ঘৰৰ মানুহে তেওঁক মোলৈ বিয়া নিদিয়ে। সেয়ে মই তেওঁক পলুৱাই আনিলো। তাৰ পিছত আৰক্ষীয়ে আমাক গ্ৰেপ্তাৰ কৰিলে আৰু মোৰ পত্নীৰ মেডিকেল চেকআপ কৰিলে। সেই চেকআপৰ পিছত মই জানিব পাৰিলো যে তেওঁ এইছআইভি এইডছত আক্ৰান্ত। কিন্তু মই তেওঁক ভালপাও আৰু সেইবাবেই বিয়া কৰাইছো। তেওঁ অবিহনে মই থাকিব নোৱাৰো।’-এই মন্তব্য মনু ঠাকুৰৰ। 

মনুৰ ঘৰ গুজৰাটৰ বানাছকাণ্ঠা নামৰ ভিতৰুৱা এখন গাঁৱত। মেডিকেল চেকআপত পত্নীৰ দেহত এইছআইভি ধৰা পৰাত আৰক্ষীৰ লগতে সকলোৱে মনুক নতুন জীৱনৰ পাতনি মেলিবলৈ কৈছিল। কিন্তু মনুৱে কাৰো কথা নুশুনিলে আৰু প্ৰেয়সী পত্নীক আগতকৈয়ো অধিক আকুলতাৰে আকোৱালি ল’লে। কিয়নো মনুৰ মতে প্ৰেম সকলোতকৈ উৰ্ধত।