72
নগাওঁঃ পৱিত্ৰ ৰমজান মাহ আৰম্ভ হোৱাৰে পৰা সমগ্ৰ ৰাজ্যৰ লগতে নগাঁও জিলাৰ বিভিন্ন প্ৰান্ততো ইছলামধৰ্মী লোকসকলৰ মাজত ৰমজান কেন্দ্ৰীক উৎসাহ-উদ্দীপনা বিয়পি পৰা দেখিবলৈ পোৱা গৈছে। এই সময়ছোৱাত নিতৌ পুৱা সূৰ্যোদয়ৰ পূৰ্বে ধৰ্মীয় নিয়ম-নীতিৰে চেহেৰীৰ আহাৰ গ্ৰহন কৰাৰ পিছৰে পৰা গোটেই দিনটো উপবাসে থাকি সূৰ্য মাৰ যোৱাৰ পিছতেই আনুষংগিক ধৰ্মীয় আচাৰ-ৰীতিৰ মাজেৰে ইফতাৰৰ খাদ্য-পানী গ্ৰহন কৰি ৰমজানৰ ৰোজা পালন কৰা হয়৷
প্ৰকাশ যে, ৰোজাত মুছলমান লোকসকলে দিনৰ দিনটো সম্পূৰ্ণ লঘোণে থাকিলেও চেহেৰী আৰু ইফতাৰৰ নামত কিন্তু যথেষ্ট ধন ব্যয় কৰে। কাৰণ, এই দুসাঁজ আহাৰ তেওঁলোকে সু-স্বাদুভাৱে গ্ৰহন কৰে ৰোজাৰ দিনকেইটাত ৷
